„Сфаќаш што навистина значи да си богат“: Шеф Никола од „Брза кујна“ доби роденденско изненадување од ќеркичките
Никола Мишковски остави уште една година зад себе.
Популарниот шеф Никола од „Брза кујна“ го прослави 42-риот роденден, а најубавиот подарок го доби токму дома.
Неговите ќеркички Дариа и Калиа му приредија роденденско изненадување додека сопругата Стефанија ги снимаше слатките моменти. Двете девојчиња го пречекаа со торта и свеќички, му пееја роденденска песна, му дадоа подароци и нежно го бакнаа.
Иако зад себе има уште една година исполнета со работа, предизвици, успеси и падови, Никола вели дека токму моментите со семејството му покажуваат што е вистинското богатство.
Уште една година зад мене…
Многу работа, многу борби, успеси, падови, лекции… и моменти што те менуваат.Но кога ќе ја отвориш вратата од дома и ќе те пречекаат тие… сфаќаш што навистина значи да си богат. ❤️
Не ми треба поголем подарок.
Овие прегратки, овие насмевки и ова „Среќен роденден, тато“ вредат повеќе од сè. 🥹Годините нека си одат…
Само Господ нека ми даде здравје и време да ги гледам како растат, да бидам покрај нив и уште долго вака да се радуваме заедно. 🙏Тие се мојата сила.
Мојот мир.
Мојот дом.
Моето СÈ. ❤️Среќен ми роденден. 🎂
И благодарам за животот што го имам. 🥂❤️ - напиша тој во описот на видеото.
Никола е во брак со Стефанија од јули 2019 година. Покрај ќерките Дариа и Калиа, тој има и син од првиот брак.
