Северина Вучковиќ шармираше и освојуваше на роденденот на нејзината кума Андреа Чермак, која ја нарекува и „тетката од Германија“.
53-годишната пејачка го покажа синот кој ѝ беше придружник на прославата во ресторанот „Okrugljak“ во Загреб.
Хрватската ѕвезда сподели фотографии со пораснатиот Александар и со убавата славничка. Таа блескаше во модерен бел стајлинг додека лудо се забавуваше на роденденската забава.
Во описот на објавата, Северина упати емотивна честитка до својата кума:
Среќен роденден на мојата убава и драга кума и пријателка, за Александар „тетката од Германија“ :) Нека ти бидат среќни сите денови што доаѓаат, секогаш да бидеш сакана и опкружена со своите деца и добри луѓе. Тоа беше прекрасно славје.
Пријателството меѓу Северина и Андреа трае со години и е зацврстено и со двојно кумство. И двете си биле куми на венчавките една на друга. Иако во минатото се шпекулираше за заладување на односите, нивните заеднички појавувања и објави денес јасно покажуваат дека тие повторно се поблиски од секогаш.