Северина и мајка ѝ Ана го украдоа вниманието на доделувањето на наградите „Златно студио“ во Хрватска
Северина Вучковиќ несомнено знае како да остави силен впечаток каде и да се појави.
На доделувањето на наградите „Златен студио“ во Загреб, 53-годишната хрватска пејачка буквално го украде вниманието со својот изглед, а впечатлив момент од вечерта беше нејзиното појавување во друштво на мајка си Ана.
Северина шармираше во ефектна модна комбинација со кожени панталони со рамен крој и впечатлив топ без прерамки со детали од вештачко крзно во ванила нијанса. Целиот изглед беше дело на стилистката Катија Шимундиќ.
Популарната музичка ѕвезда ја освои и наградата во категоријата Најдобра изведувачка, а во својот говор рече:
Им се заблагодарувам на луѓето кои гласаа. За нас гласаа мајки со деца кои се борат со инвалидитет, премалку платени работнички, професори, здравствени работници... Оваа награда им ја посветувам токму ним. Овие награди се безвредни ако сите вие овде, на социјалните мрежи, не ги поддржите луѓето кои се на работ на сиромаштија и оние на кои помошта им е најпотребна. И мир во светот.
