Северина одржа фантастичен концерт во Гевгелија, по повод отворањето на нов трговски комплекс.
Популарната хрватска пејачка изгледаше ултра атрактивно во креација од Ziggman, која ја носеше во Сплит минатата година.
За нејзината шминка и фризура се погрижија нашите талентирани стилисти Александар Дадар и Октај Сејди.
Откако изгледот на регионалната ѕвезда беше комплетиран, нејзиниот стајлинг беше овековечен со фотосесија. Северина сподели видео за да покаже како изгледа самиот процес.
„‘Маките на Северина’. Леле, луѓе, па пред секој концерт се собира една мала групa фотографи и видео мајстори за да го одработам концертот пред концертот, или како што би рекол Стефан Соколовски – ‘шоу пред шоуто’. Па ајде малку лево, па ајде малку десно… Па ‘извади ги клучните коски’ (чуј, ‘клучни коски’… Каде да ги извадам?) Па оди горе-долу… дури не кажам ‘готови сме’, што имате, имате… и така конечно си одам на концерт… ама се преживува… Како? Не се знае“ – се пошегува Северина во описот на видеото.