Сестрата на Тоше Проески со ангелска торта за неговиот роденден, внук му сподели албум кој ќе ве растажи
Да беше жив, денес Тоше Проески ќе го славеше својот 45. роденден. Иако физички не е со нас веќе многу години, неговото семејство, пријателите и фановите се посветени тој никогаш да не биде заборавен.
Дора Проеска, сестрата на Тоше, го одбележа овој ден симболично со ангелска торта и слатки со музички декорации. Таа сподели фотографии од елегантна бела торта со златни детали и декорации кои носат силна порака. Имено, на неа се гледаат бели ангелски крилја и три златни крста кои асоцираат на чистотата на неговата душа и неговата силна верба.
Покрај главната торта, Дора ја исполни масата со погача, мини торта со свеќи „45“ и мафини украсени со музички ноти, потсетувајќи нè на неговиот вонсериски талент.
И неговиот внук Кристијан Ристески, кој тргна по стапките на Тоше во светот на музиката, ги разнежни фановите со албум со фотографии кои предизвикаа лавина од емоции.
Фотографиите го прикажуваат Тоше во некои од неговите најсјајни моменти... на концерти и настани на кои неговата харизма и скромност беа во совршен баланс.
