Серена Вилијамс го украде вниманието на Миланската модна недела.
Легендарната тенисерка се појави на премиерата на краткиот филм на Gucci, „The Tiger“, во долг фустан со пердуви од италијанската модна куќа и ги размрда прстите на фоторепортерите.
Откако отворено сподели дека користела инјекции за слабеење за да намали 14 килограми, таа сега ја покажа својата трансформација и новата самодоверба.
Вилијамс во интервју за People откри дека користи инјекции за слабеење откако со години се борела со килограмите по раѓањето на ќерките Олимпија и Адира.
„Никогаш не можев да стигнам до тежината која ми требаше, без разлика колку напорно тренирав. Беше лудо, бидејќи никогаш во мојот живот не сум била во ситуација да тренирам толку напорно, да се хранам здраво, а да не можам да ги симнам килограмите. Фрустрирана бев што не можев да ја променам цифрата на вагата или изгледот на моето тело“ – раскажала таа.
Решена да го промени својот изглед, Серена се насочила кон инјекции за слабеење кои го регулираат нивото на шеќер во крвта и се наменети за лица со дијабетес Тип 2. Со нивна помош, намалила 14 килограми.
„Се чувствувам одлично. Се чувствувам многу добро и здраво. Се чувствувам лесно физички и ментално“ – рекла таа за People.
„Можам да правам многу повеќе, поактивна сум. Зглобовите не ме болат толку многу... Сè правам побрзо. Имам многу повеќе енергија...“ – додала таа.
