Шенон Доерти се разведува од Курт Исвариенко по 11 години брачен живот.
52-годишната ѕвезда од хит серијата „Беверли Хилс 90210“ поднесе документи за развод додека истовремено се бори со рак на дојка во четврт стадиум. Наводно, причината за овој потег на Шенон билa неговото неверство.
Менаџерката на Доерти, Лесли Слоун, во изјава за TMZ рекла:
„Разводот е последното нешто што го посакуваше Шенон. За жал, чувствуваше дека не ѝ останува друга опција. Можете да контактирате со агентката на Курт, Колиер Грим, која e интимно инволвирана во ова“.
Извори блиски до парот споделиле дека Шенон и Курт се разделиле уште во јануари.
Двојката стапи во брак во октомври 2011 година. Курт ѝ е трет сопруг на Шенон и заедно немаат деца.
