Селена Гомез го украде целото внимание на добротворен настан во Лос Анџелес.
Како основачка на фондацијата Rare Impact, 31-годишната музичка ѕвезда го организираше случувањето на кое се собираа средства за подобрување на менталното здравје кај младите. Селена блесна на црвениот тепих во сребрена креација од Валентино, а потоа промени уште два стајлинзи.
На настанот беше присутна и нејзината пријателка Франсија Раиса, којашто пред неколку години ѝ донираше бубрег.
„Менталното здравје за мене е нешто многу лично. Долго време ја немав поддршката за менталното здравје којашто ми беше потребна, бидејќи не разбирав што чувствувам. Откако го искусив она што изгледа како бесконечни подеми и падови кои некогаш траеја со недели, конечно ја добив поддршката којашто ми требаше за подобро да разберам што ми се случува. Не е секој ден совршен – ниту за мене, ниту за никого. Многу луѓе немаат достап до ресурсите и едукацијата кои им се потребни за да го одржуваат нивното ментално здравје. Rare Impact Fund има за цел да им овозможи достап до услугите за ментално здравје и едукација на младите луѓе насекаде“ – вели Селена.
Пејачката изјави дека слушањето на туѓите животни приказни ѝ помага да ги излекува своите рани.
„Мислам дека не сме сами. Мислам дека понекогаш слушањето низ што минуваат нашите пријатели, ни помага да ги разбереме луѓето и да се излекуваме себеси... тоа нè поврзува и нè соединува. Но, мораме да им се довериме на правилните личности“ – рекла таа.
