Селена Гомез блесна на синоќешното доделување на Еми наградите, каде за првпат се појави на црвениот тепих со својот вереник Бени Бланко.
33-годишната актерка и пејачка заведуваше во впечатлива црвена креација од Louis Vuitton, која ја надополни со сандали од Santoni и накит од Tiffany & Co. За манифестацијата, музичкиот продуцент избра целосно црн стајлинг. Двајцата си споделија нежни бакнежи додека позираа пред фоторепортерите.
Селена и Бени наскоро ќе стапат во брак и веќе направија моминска и ергенска забава. Парот не го открива датумот на кој ќе се заколне на вечна љубов, но се очекува да биде на крајот на месецов. Ѕвезди како Ед Ширан и Парис Хилтон потврдија дека веќе добиле покани и дека ќе присуствуваат на нивната прослава.
Идните младенци се запознаа во 2019 година, кога соработуваа за песната „I Can’t Get Enough“, а нивната романса ја открија пред јавноста во декември 2023 година.
