Како што се приближува премиерата на долгоочекуваното продолжение на „Сексот и градот“, така сè повеќе се откриваат детали од новата возбудлива авантура на четирите хероини.
Настаните во новиот филм се случуваат 2 години по свадбата на Mr. Big и Кери, која се одржа во првиот дел. Во ова егзотично продолжение Кери, Саманта, Шарлот и Миранда ќе отпатуваат во Мароко. Фотографиите од снимањето откриваат дека неразделните пријателки знаат како да се забавуваат дури и сред пустина.
Медиумите пишуваат дека во „Сексот и градот 2“ бракот на Кери ќе наиде на проблеми, а Mr. Big ќе има финансиски неволји како резултат на економската криза. Исто така, Саманта ќе ја продолжи љубовта со атрактивниот Смит.
Селебрити гости во новиот филм ќе бидат Пенелопе Круз, Лајза Минели и тинејџерската ѕвезда Мајли Сајрус.
