„Секоја од вас е посебен кристал“: Северина и Матија Вуица ќе ѝ подарат прекрасна креација на среќна матурантка
Северина се здружи со Матија Вуица за да усреќат некоја матурантка.
За два дена, 52-годишната пејачка и 66-годишната модна дизајнерка ќе изберат една девојка која ќе ја има честа да ја носи прекрасната креација со кристали и цветни апликации. Северина ја презентираше младешката тоалета со фотосесија.
„Подаруваме фустан. Разговараме со мојата Матија дека секогаш околу нас се оние вредни, скромни девојки, идни матурантки, кои заслужиле да блескаат на својата матурска вечер, а кои не можат да си ја дозволат својата прва посебна креација... Важен е тој фустан, бидејќи во него завршува еден период од животот, школувањето и започнува нов, неизвесен и возбудлив...“
„Ние сакаме малку помош во таа потрага, бидејќи на некој начин тоа ни е должност... да усреќиме некоја прекрасна млада личност...“
„Пријавете се и означете се себеси или пријателка која знаете дека сè уште не набавила матурски фустан, а можеби не може ни да си дозволи.“
„На 6 јуни ќе ја објавиме добитничката на овој фустан, изработен од ситни кристали украсени со цветни апликации, баш како што е секоја од вас посебен кристал“ – напишаа двете дами.
Фотографии: Instagram / Severina