„Секој ден е мала победа за нас“: Весна Петрушевска ѝ го честиташе роденденот на ќерката Мина

Весна Петрушевска славеше за ќерката Мина.

Македонската водителка и актерка го одбележа 22-риот роденден на ќерката Мина и ѝ го честиташе со специјална порака.

По период исполнет со предизвици, тие денес уживаат во посмирени и посреќни денови, а Весна откри дека заедно поминале низ голема промена, ослабнале по 17 килограми и продолжуваат кон посакуваната цел. Во објавата таа сподели и колку многу научиле од битките кои ги водат, потсетувајќи дека секој ден носи своја мала победа.

„Мина денес наполни 22 години🩷После долго време дишеме длабоко, смирено и среќно. Среќата е циција понекогаш🦋 Сретнавме еден ангел по пат кој буквално нè среди и патем ослабевме и двете по 17 килограми и тераме уште до посакуваната цел.

Секоја битка има своја боја и тон. Нашата трае постојано и знаеме дека секој ден е мала победа за нас.

Инаку ова ни е една од омилените песни која ја слушаме на најјако.

Кога некој ќе ми каже како има проблем, се извинувам ама превртувам со очи😂❤️🙌“ - стои во пораката.

Петрушевска сподели и фотографии со Мина.

Весна отворено има споделено дека поради ендометриоза не можела да забремени, а дека од мала знаела дека ќе посвои две деца. Таа желба ѝ се оствари по посвојувањето на Мина и Кирил.

Во 2015 година, Петрушевска во својот дом ја згрижи и Моника, која ја нарекува „третото дете“.