Секое дете заслужува да биде среќно: Хумана жена организира родендени за бездомни дечиња
Шинел Лик како да поседува магично стапче со кое остварува роденденски желби на бездомни деца. Добродушната жена од Мериленд организира специјални родендени за деца кои со нивните семејства се останати на улица.
Креативната Американка основа добротворна организација за собирање на средства, храна и подароци, со цел да може да радува што повеќе бездомни дечиња. Таа докажува дека не е потребно цело богатство за да измамиш насмевка на лицата на најмалите.
„Кога едно семејство се бори да обезбеди кров над главата и храна, детскиот роденден најчесто е последното нешто на листата со приоритети – и честопати сосем недостижно. Па, ние им го обезбедуваме она во што уживаат сите други деца на нивните родендени“ – вели Шинел, која добива помош од волонтери при реализацијата на роденденските прослави.
„Тие деца се справуваат со срамот и недостигот на самодоверба кои доаѓаат со бездомништвото. Ние помагаме тие да се чувствуваат ценети и да им обезбедиме налку надеж и светлина“ – додава Лик, која досега има усреќено најмалку 400 дечиња.
