Сека Алексиќ привлече големо внимание откако покажа како изгледа нејзиното тело по значителното слабеење. Српската пејачка досега симна 16 килограми, а откри и на кој начин успеала да ја намали тежината.
„Луѓето се во шок затоа што никогаш немав ослабено. Ова е првпат да ослабам, затоа толку многу се коментира. Досега ослабев 16 килограми, што е голема цифра, но тоа се случи во период од седум до осум месеци“ - откри Сека за IDJTV.
Алексиќ нагласи дека не следела класична диета, туку дека користела лек кој ѝ бил препорачан од лекар.
„Никаква диета не беше во принцип. Јас веќе зборував за тоа, земав еден лек. Лекар ми го препорача лекот, кој изреагира така како што изреагира. Тоа е лек наменет за гојазност, кој можат да го користат и деца од 12 години“ - објасни таа.
Сека претходно откри дека со години се борела со инсулинска резистенција, која ѝ претставувала проблем и при слабеењето. Според нејзините зборови, откако состојбата била ставена под контрола со соодветна терапија и под лекарски надзор, полесно започнала да ја намалува телесната тежина.
45-годишната музичка ѕвезда отворено зборува за телесната тежина, бидејќи не сака јавноста да добие погрешна слика дека килограмите ги изгубила само со вежбање.
„Од срце го споделив тоа со луѓето затоа што не сакам никого да лажам дека тренирам. Јас тренирам, но не ослабев од тренинзите, туку од тоа што апетитот ми е многу мал, сè е тоа намалено. Почнав да тренирам сериозно секој ден, тренинзите се јаки и напорни и ете, тоа е тоа“ – дополни Сека.
