Виталиј Седјук е познат натрапник на холивудските свечености и YouTube ѕвезда, но неговите шеги многу често се невкусни.
26-годишниот Украинец го нападна Бред Пит на премиерата на филмот „Maleficent“ во Лос Анџелес. Сѐ уште нема официјален извештај од полицијата, но според присутните, Виталиј ја прескокнал поставената метална ограда додека Пит делел автограми и го удрил по лицето. Телохранителите реагирале веднаш и Виталиј бил уапсен.
Виталиј
Минатата недела Виталиј повторно изведе еден од неговите „пренкови“. Имено, тој истрча на црвениот тепих на Канскиот филмски фестивал и ѝ се пикна под фустанот на Америка Ферера.
Тоа се само две од неговите „шеги“ со холивудските ѕвезди.
Во февруари Виталиј му се нафрли на Леонардо Дикаприо и цврсто му ги прегрнуваше нозете додека не беше отстранет од црвениот тепих од обезбедувањето.
Претходно „жртва“ на Виталиј беше и Бредли Купер.
Во мај 2012 година, на премиерата на „Men in Black 3“ во Москва, Виталиј се обиде да го бакне Вил Смит в уста. Очигледно изнервиран од таквата постапка, Вил го турна премногу нападниот новинар и го плесна по образ пред камерите.
