„Сѐ што ми треба“: Горан Папаз позира со четирите дечиња и сопругата за фамилијарна фотографија

Горан Папаз ужива во татковството.

Македонскиот саксофонист сними семејна фотосесија со сопругата Наташа, постариот син Дамјан и трите најмали члена Луна, Лена и Лазар. Тројката се роди предвреме во декември 2024 година.

Горан сподели една од фотографиите и напиша: „Сé што ми треба“.

Од истата фотосесија тој претходно објави и други фотографии.

Пред околу три месеци, во интервју за Фемина, тој сподели што научил од добивањето на три деца одеднаш. 

„Па дека можам да функционирам само со четири до пет саати спиење. Дека можам да сменам три пелени за две-три минути и многу други суперхеројски вештини...“ – рече тој и додаде:

„Тројката нè возвиши и нè направи најгорди и најсреќни на цел свет. Бракот и пред да ни се родат Лена, Луна и Лазар ни беше жива хармонија, сега таа хармонија е само збогатена со нови три музичари“.