Се сеќавате на Мили и Иво? Актерите од хит-серијата „Дивиот ангел“ заедно 27 години подоцна
Се сеќавате ли на „Дивиот ангел“? Аргентинската хит-серија „Muñeca Brava“ пред речиси три децении се емитуваше на малите екрани и ги забавуваше македонските гледачи.
Години по завршувањето на серијата, актерите Наталија Орeиро и Факундо Арана, кои ги имаа улогите на Мили и Иво, повторно застанаа заедно пред камерите.
Нивната средба веднаш предизвика носталгија кај публиката, особено кај оние кои растеа со приказната за бунтовната и нескротлива девојка Мили и младиот богаташ Иво.
„Дивиот ангел“ се емитуваше кон крајот на 1990-тите и на почетокот на 2000-тите, а Мили стана еден од најпрепознатливите ликови од латиноамериканските серии. Факундо Арана, пак, со улогата на Иво се вброи меѓу омилените телевизиски актери на тогашната публика.
