„Саваш Балдар“ од турската серија „Љубов и казна“ го очекува второто дете, сними фотосесија со бремената сопруга

Мурат Јилдирим ги изненади фановите со убавата вест дека го очекува второто дете со сопругата Иман Елбани.

Турскиот актер кај македонската публика познат како Саваш Балдар од хит-серијата „Љубов и казна“ и мароканската актерка и манекенка ја споделија убавата вест на социјалните мрежи со нежни фотографии.

Иман гордо го покажува трудничкото стомаче покрај Мурат, а заедно позираат и со ќеркичката Мирам.

„Убави вести…“ – напишаа тие во описот на албумот со кој ја потврдија бременоста.

Мурат и Иман се во брак од 2016 година, а во октомври 2022 година го добија своето прво дете.

За нив родителството дојде по тежок и долг пат. Парот се соочил со пет спонтани абортуси пред да ја добие ќеркичката.