Саша Ковачевиќ и неговата сакана Зорана го открија полот на бебето: „Бескрајно сме среќни што ни доаѓа...“
Пред една недела, Саша Ковачевиќ и Зорана Тасовац ја крунисаја својата љубов со брак на интимна церемонија, а сега споделија и официјални фотографии од прославата.
Додека уживаат во првите денови од брачниот живот и се подготвуваат за најубавата животна промена, идниот татко ексклузивно за српскиот медиум Hello го откри полот на бебето и не ја криеше огромната радост. Во нивното семејство пристигнува момче.
„Бескрајно сме среќни што ни доаѓа синче. Искрено, сакав да добијам ќерка, бидејќи мислам дека тие се поприврзани за татковците, а бидејќи веќе имам девојче дома, позната ми е таа љубов. Момчето, секако, ќе донесе нешто ново во нашите животи. Кој знае, можеби еден ден ќе дојде и девојче. Среќен сум што чекаме момче и поради тоа што со неговото раѓање ќе продолжи лозата Ковачевиќ“ – изјави популарниот пејач.
„Покрај тебе сè доби смисла, а овој ден е само круна на нашата љубов. Те гледам денес и ја гледам целата моја иднина – преубава, насмеана и полна со љубов. Ти благодарам љубов за секоја насмевка, поддршка, љубов, за твојата добрина и за тоа што денес застана покрај мене за заедно да зачекориме во нашето „засекогаш“. Те сакам најмногу! ❤️“ - со емоции напиша Ковачевиќ во описот на свадбениот албум.
