„Matijan is 2 Fast“: Ракометарот Филип Кузмановски и сопругата Моника со тркачка роденденска забава за синчето

Тркачки автомобили, карирани знамиња и многу балони го претворија вториот роденден на малиот Матијан во вистинска автомобилска авантура.

Филип Кузмановски и неговата сопруга Моника организираа тематска прослава за синчето, кое на 25 октомври наполни две години.

Под мотото „Matijan is 2 Fast“, роденденската декорација беше инспирирана од светот на автомобилските трки, со впечатливи детали во црвена, црна и бела боја.

Малиот славеник позираше во црвен автомобил, а посебно внимание привлекуваше и роденденската торта на два ката, украсена со карирани детали, минијатурен автомобил и топчиња во форма на фудбалски топки.

На семејните фотографии, капитенот на македонската ракометна репрезентација и неговата избраничка позираат со Матијан и најновото членче на семејството, ќеркичката Каја, која се роди на 27 август годинава.

Филип и Моника се во брак од 2019 година, а во јули 2022 година направија свадбена прослава.