Каролина Гочева им подари на своите обожаватели нова музика. 37-годишната пејачка ја објави својата нова песна „Ѕвона“, како и спотот за истата.
Убавата Македонка изгледа шармантно во црн стајлинг во видеозаписот кој го сподели на својот профил на Facebook.
„За сите што ни се во срцата, а не се со нас... И сите песни да стивнат, сите рози да се скинат, љубовта не исчезнува! Се надевам дека ќе уживате во нашава топла приказна, прва од новиот албум што за Вас со огромна љубов го подготвуваме“ – напиша таа.
Никола Мицевски беше задолжен за музиката и аранжманот, додека текстот е дело на Весна Малинова.