Шармантна Србинка: Ангела Јовановиќ пленеше во префинета креација на црвениот тепих во Сараево
Ангела Јовановиќ однесе гламур и елеганција на Филмскиот фестивал во Сараево.
33-годишната српска актерка пленеше во креација во лаванда нијанса додека чекореше на црвениот тепих пред премиерата на филмот „Pukotina u ledu“.
Фустанот е дело на брендот Kaftan studio, од каде споделија фотографии на Instagram направени од фотографот Јасмин Аговиќ.
Ангела во 2024 година беше во центарот на вниманието поради случајот со колегата Бранислав Лечиќ.
Таа одби да снима сцена со него во серијата „Радио Милева“, наведувајќи дека имала „непријатен настан од минатото“ со актерот, но и дека принципиелно не сака да биде во ист кадар со него поради обвинувањата од негови колешки за сексуално малтретирање. По нејзината одлука, Лечиќ ја тужеше за повреда на чест и углед.