Со големо внимание ќе прошетате низ фотографиите на Сабрина Лопез, откривајќи нови начини за комбинирање на облеката и модните додатоци од вашиот плакар.
35-годишната љубителка на модата има два мали сина и има грчко потекло, а живее во Брисел, Белгија. Сабрина е верна клиентка на модни брендови како што се Zara, Mango и H&M.
За љубовта кон модата, таа вели дека ја чувствува од мали нозе: „Од мала ја обожавам модата. Во детството, омилена игра ми беше да ги облекувам и пресоблекувам куклите со нови аутфити. Клише е, но тоа е мојата реалност. Во моите тинејџерски години, барав студентска работа во продавници за облека за да им помагам и да ги советувам клиентите, тоа го правев со задоволство. Оттогаш, љубовта кон модата никогаш не ме напушти“ – вели Лопез.
