Сара Јо низ солзи пееше песна од ДНК во Скопје“: „Мојот прв настап откако го изгубив Панчо“

На настапот во Скопје, Сара Јо не ги криеше силните чувства.

Најемотивниот момент се случи за време на изведбата на песната „Ако утре ме нема“ на групата ДНК, од која најголем дел од членовите загинаа во пожарот во Кочани. 

Додека ги пееше стиховите, 32-годишната српска пејачка се расплака, а публиката ја поддржа со силен аплауз.

Сара сподели фотографии и видео од моментот кога ја пееше песната од ДНК, заедно со пораката:

Скопје, ми ја исцеливте душата. Во моментот кога тоа ми беше најпотребно.

Ова беше мојот прв настап откако го изгубив мојот колега, животен пријател, брат Панчо, а вие успеавте таа болка да ја претворите во најголемата љубов која некогаш сум ја почувствувала на сцената.

Ви благодарам за секоја песна што ја пеевте со мене, за секој поглед полн со љубов, аплауз, насмевка…

И што уште еднаш покажавте дека музиката навистина спојува и исцелува.

Ве носам во срцето засекогаш 🫀 Ве сакам најмногу!!!