Сара Хајленд и Велс Адамс стапија во брак три години по нивната веридба.
31-годишната ѕвезда од „Modern Family“ и нејзиниот избраник си го кажаа судбоносното „Да“ на церемонија во винарија во близина на Санта Барбара, Калифорнија. Невестата изгледаше прекрасно во нежна венчаница.
На прославата присуствуваа околу 150 гости, меѓу кои беа и нејзините колеги од „Modern Family“ Софија Вергара, Ариел Винтер, Нолан Гулд, Џули Боуен и Џеси Тајлер Фергусон.
Двојката започна да се состанува во 2017 година. Адамс ѝ предложи брак на Хајленд во 2019 година. Тие планираа да стапат во брак следната година, но пандемијата ги одложи нивните планови.
