Трендафилка Кирова заслужено добива гласни комплименти и привлекува стотици илјади обожаватели на социјалните мрежи.
Талентираната Македонка создава импресивни плетенки кои ги споделува на Instagram профилот „Another Day Another Braid“ и на YouTube каналот „Another Braid“. Трендафилка започнала да си ја плете косата како хоби во текот на нејзината прва бременост, без воопшто да помислува дека бројот на нејзини обожаватели на Instagram ќе надмине 230 илјади.
„Плетенките се моја страст и опсесија и се надевам дека ќе ги инспирирам сите да создаваат сопствена магија со различни фризури“ – пишува таа на YouTube каналот каде споделува туторијали за секакви фризури, од секојдневни до елегантни.
