По осум години, Шакира и Малума повторно ги здружија силите за новата песна „Agua“, која уште со првото слушање освојува со заразниот ритам.
Колумбиските музички ѕвезди за првпат соработуваа на големиот хит „Chantaje“ во 2016 година, а потоа следуваа „Trap“ и „Clandestino“ во 2018 година. Токму „Clandestino“ беше нивната последна голема заедничка песна, сè до новото музичко обединување.
„Agua“ носи модерен тропски звук со меренге ритам. Атрактивниот спот во режија на Хана Лукс Дејвис е исполнет со тропски амбиент и динамична кореографија.
Нивниот прв заеднички хит „Chantaje“ 11 недели беше на врвот на Billboard Hot Latin Songs.