Шакира беше фотографирана со децата на аеродром во Барселона откако со пост се збогуваше со Шпанија
Шакира со децата започнува ново поглавје далеку од својот поранешен партнер Жерар Пике.
46-годишната пејачка ја напушти Шпанија и со кратко писмо се збогуваше со Барселона и со шпанските обожаватели. Таа им се заблагодари на сите кои ја поддржуваа додека живееше таму.
Се преселив во Барселона за да им дадам стабилност на моите деца, а тоа сега го бараме на друго место од светот покрај семејството, пријателите и морето.
Денес, започнуваме ново поглавје во потрага по среќата.
Им благодарам на сите кои сурфаа на многу бранови со мене таму во Барселона, градот каде научив дека пријателството несомнено е подолго од љубовта.
Им благодарам на сите кои таму ме охрабруваа, ми ги бишеа солзите, ме инспирираа и направија да пораснам. Ѝ благодарам на мојата шпанска публика која секогаш ме опсипуваше со љубов и лојалност.
Шакира беше фотографирана со синовите Саша и Милан на аеродром во Барселона пред да се качат на авион за Мајами каде ќе започнат нов живот.
Славната музичарка и поранешниот фудбалер објавија дека се разделуваат во јуни 2022 година. Тие беа заедно 11 години.
