„Сакам покана за свадбата“: Предлог за брак на мечот на Ѓоковиќ на Вимблдон, тој им честиташе и побара покана

Вимблдон отсекогаш бил синоним за традиција, бел дрес-код и врвен тенис, но синоќа на трибините видовме дека е совршено место и за љубов.

За време на натпреварот од првото коло помеѓу Новак Ѓоковиќ и кинескиот тенисер Јибинг Ву, вниманието на јавноста накратко се пресели од теренот на трибините. Едно вљубено момче реши дека токму овој момент е совршен за големиот чекор, па клекна на колено и ја побара својата девојка за жена.

На општо задоволство на сите присутни, таа кажа „ДА“, а публиката веднаш ги награди со громогласен аплауз.

The marriage proposal with Novak's approval 🫶 😅❤️ pic.twitter.com/nVcsYEPdaN

— ᖴᖇᗩᑎI ® (@frani2312) June 29, 2026

Ваквиот романтичен гест не му избега ниту на Новак Ѓоковиќ. Познат по својот шарм и смисла за хумор, тој во свој стил им ја честиташе веридбата, а потоа извика „Сакам покана за свадбата!“. Парот со огромна возбуда се согласи.

"I want an invitation for the wedding." 💌@DjokerNole congratulates the newly engaged couple on Centre Court and wants to attend their wedding 😅💍 pic.twitter.com/loOGjvKAkM

— Wimbledon (@Wimbledon) June 29, 2026