За неколку часа, вкупно 88 убавици од целиот свет ќе се претстават во најпривлечно светло со цел да ја освојат титулата „Мис Универзум“.
На прелиминарното шоу кое се одржа во Мајами, згодните натпреварувачки блеснаа во вечерни фустани и се разголија во бикини за да го импресионираат жирито.
Мис Русија изгледаше како грациозна кралица во балска креација од Ели Сааб. 24-годишната Јулија Алипова избра волуменозна бордо креација од колекцијата висока мода есен/зима 2013 на либанскиот дизајнер.
Алипова носеше креација од Сааб и за гламурозната фотосесија за претставување на кандидатките за освојување на круната.
Мис Украина исто така избра фустан од високата мода. 20-годишната Дијана Харкуша дефилираше во асиметрична црвена креација од колекцијата есен/зима 2014 на Зухаир Мурад.
