Роналдо и Џорџина Родригез споделија нови фотографии од новородената ќерка и ѝ го открија името
Кристијано Роналдо и Џорџина Родригез се гордеат со најмалиот член во нивното семејство. Славниот пар објави слатки фотографии од новородената ќерка и сподели со фановите како се вика девојчето.
„Бела Есмералда“, напиша 28-годишниот модел заедно со датумот на раѓање на бебенцето – 18.04.2022.
Португалскиот фудбалер и неговата избраничка очекуваа близначиња, но за жал, новото синче почина при породувањето. По трагичната загуба, двојката непрекинато добива пораки полни со емпатија и поддршка.
„Сакаме да им се заблагодариме на сите за сите љубезни зборови и гестови. Вашата поддршка е многу важна и сите ги чувствуваме љубовта и почитта кои ги имате за нашето семејство. Сега е време да бидеме благодарни за животот кој штотуку го пречекавме на овој свет“ – порача Кристијано неколку дена по породувањето на Џорџина.