Ромео Бекам и Миа Реган не се повеќе заедно.
Младиот пар ја прекина 3-годишната романса, која се претвори во врска на далечина. Веста за раскинувањето се прошири откако 19-годишниот фудбалер ги избриша од Instagram сите фотографии со Миа.
Извор близок до парот потврди дека тие се разделиле поради притисокот од кариерите на различни континенти. Ромео во моментов ги следи стапките на неговиот татко Дејвид и тренира фудбал во САД, додека Миа има успешна кариера како модел во Лондон.
„Врската на далечина си го направи своето. Ромео и Миа се прекрасни млади луѓе и неговото семејство ја сака Миа. Таа продолжува да соработува со Викторија Бекам преку работата, но за жал, Ромео и Миа не се повеќе заедно. Тој е фокусиран на фудбалот и живее во Мајами, а таа е во Велика Британија и работи на нејзината кариера како модел“ – рекол изворот.
Парот започна да се состанува во мај 2019 година, а за првпат се појави на свеченост на доделувањето на британските модни награди во ноември 2021 година.
