Кики Мукаетова со својата генерација го одбележува крајот на средношколските денови. Младата девојка, која ја запознавме со „Дајте музика“, а сега ја следиме во „Низ град со Кики“, на матурската прослава блесна со романтичен изглед со урбан шмек.
Клучен момент во нејзината стилска приказна е раскошна креација со црн корсет со нежни прерамки и деликатни врвци кој суптилно ја истакнува фигурата и здолниште кое „експлодира“ со цветна симфонија, носејќи уметничка нота.
Кики го комплетираше својот стајлинг со атрактивен накит од Chapter.03, кој внесе доза на префинетост и урбана смелост. Впечатливиот златен накит со низи од мини дискови таа го надополни со ефектна белезица и обетка од линијата Infinite на VFS The Studio.
Пред само два дена, таа прими Women in Tech награда од Претседателката Гордана Сиљановска-Давкова за нејзиното учество во кампањи и проекти кои поддржуваат млади.
