Ѕвездата на вампирската драма „Самрак“, Роберт Патинсон, смета дека неговиот изглед е далеку од секси и не сфаќа зошто толку многу обожавателки му посветуваат големо внимание.
Во интервју за The Times, 23-годишниот актер признал дека му смета тоа што морал да си ги искубе веѓите и да носи премногу тешка шминка за да влезе во улогата на Едвард Кулен.
„Стигнуваш до момент кога започнуваш да си мислиш: ОК, сега личам на трансвестит“ – изјавил Патинсон.
Мината недела популарниот вампир го промовираше и својот нов филм „Remember Me“, а во исто време излезе и првиот трејлер за долгоочекуваниот филм „The Twilight Saga: Eclipse“.