Рита Ора во впечатлива модна комбинација се појави на отворањето на Филмскиот фестивал во Венеција.
32-годишната пејачка со косовско потекло избра црн проѕирен комбинезон со точкест принт. Својот стајлинг, таа го надополни со бела бунда и обувки со платформа и екстра високи потпетици. На настанот во италијанскиот град, Рита пристигна со глисер.
Ова е 80-то издание на најстариот филмски фестивал на светот и ќе трае до 9 септември. На првата вечер беше прикажан италијанскиот филм за втората светска војна „Comandante“.
