Рис Витерспун и Џим Тот
Само неколку дена откако го прослави својот 35-ти роденден, Рис Витерспун го кажа и судбоносното „да“. Младоликата оскаровка вчера стапи во брак со 40-годишниот Џим Тот.
Парот, кој ја објави свршувачката во декември минатата година, се венча на имотот на Витерспун во Охај, Калифорнија. Русокосата актерка носела венчаница од Monique Lhuillier, а чекорела до олтарот на традиционалната песна „Here Comes the Bride“.
Во рамките на романтичната церемонија биле пуштени 80 бели гулаби откако Рис и Џим си кажале „да“.
На свеченоста биле присутни двете деца на Рис од нејзиниот брак со Рајан Филипе, Ава и Декон, како и нејзини колеги од шоу-бизнисот – Рене Зелвегер, Алиса Милано, Селма Хајек, Шон Пен со Скарлет Јохансон и Роберт Дауни Џуниор.
Блиски на младоженците тврдат дека тие се совршен пар. „Тој е многу самоуверен маж кој се грижи за неа“ – изјавил пријател на Тот.
Ова е втор брак за Витерспун. Нејзиниот прв брак со Рајан Филипе траеше 7 години.