Ретко заедничко појавување на црвениот тепих: Мила Кунис и Ештон Кучер на Златен глобус по бројните критики

Мила Кунис и Ештон Кучер заедно позираа на црвениот тепих на Златен глобус. 

Холивудскиот пар, кој во последно време свесно се држи подалеку од јавноста, се појави на свеченоста во елегантно издание. 42-годишната актерка шармираше во креација инспирирана од 60-тите години од Каролина Ерера, додека 47-годишниот актер носеше класичен црн костум.

Во изминатите години, Мила и Ештон се соочија со бројни критики и скандали, најпрво затоа што застанаа во одбрана на колегата Дени Мастерсон кој беше обвинет за силување, а потоа и по апсењето на нивниот пријател Пи Диди, кој беше обвинет за силување и малтретирање на бившата девојка.

По реакциите на јавноста поврзани со случајот на Мастерсон, и двајцата јавно се извинија, а Кучер се повлече од неколку јавни улоги, вклучувајќи и позиции во хуманитарни организации.

Мила и Ештон се родители на две деца.