Ретко се појавуваат заедно во јавност: Мајкл Џордан со сопругата одмара на луксузна суперјахта во Грција

Мајкл Џордан го користи летото за да ужива во убавините на Грција.

Легендарниот кошаркар беше фотографиран за рака со сопругата Ивет Прието на островот Спецес во Егејското Море. Брачниот пар ручаше во хотелот „Posidonio“, а потоа повторно се врати на луксузната суперјахта во којашто престојува и патува кај нашиот јужен сосед.

Ивет носеше краток комбинезон. Таа беше уловена од папараците и додека се сончаше на јахтата.

Ивет му е втора сопруга на Мајкл и заедно имаат две близначки – 11-годишните Викторија и Изабел. Со нив претходно беа на одмор во Италија.

Со првата сопруга Хуанита Ваној, поранешната НБА ѕвезда има уште три деца – 36-годишниот Џефри, 36-годишниот Маркус и 32-годишната Џесмин. Хуанита доби 168 милиони долари од разводот со Мајкл.