Рецепт со Тања Кочовска: Запечени тестенини со брокули и пилешко за целото семејство
Семејните собири со најблиските околу трпезата се специјални моменти кои во животот учиме да ги цениме сè повеќе и повеќе. А кога тие се надополнети со вкусен оброк за кој секој има комплимент, тогаш се комплетно доживување.
Влегуваме во кујната со талентираната актерка и пејачка Тања Кочовска, која милува да вели дека кога готви за најблиските, не им дава само храна, туку и своето срце. Кулинарскиот избор е запечени тестенини со брокули и пилешко.
Состојки
| 300 гр | пилешко филе |
| сол | |
| Vegeta Maestro црн бибер | |
| 2 лажици | маслиново масло |
| 200 гр | брокула |
| 1 | Fant за запечени тестенини со шунка и сирење |
| 800 мл | вода |
| 200 мл | павлака за готвење |
| 300 гр | тестенини ригатони |
| 50 гр | рендан кашкавал или пармезан |
Подготовка
Пилешкото филе го зачинуваме со сол и црн бибер и го пржиме во тавче со загреано масло. Откако ќе олади, го сечиме на ленти со дебелина од околу 1 сантиметар.
Од брокулата ги чистиме тврдите шишки и ги одделуваме само „цветчињата“. Брокулата накратко ја вариме во еден литар посолена вода за да омекни. Во меѓувреме, во друго мало тенџере налеваме 800 мл вода и го додаваме прво прашокот од кесичката Fant, а потоа и павлаката за готвење. Мешаме додека зоврие и готвиме само 1 минута.
Несварените тестенини ги ставаме во огноотпорен сад за печење и врз нив рамномерно ги редиме брокулите и пилешките ленти. Преливаме со приготвениот Fant сос, минимално промешуваме и рендаме кашкавал или пармезан.
Во загреана рерна на 200°C печеме 30 минути (10-15 минути прекриено со фолија, а потоа ја отстрануваме). Сервираме со рендан пармезан.
