„Рај“: Кајли Џенер сподели провокативни фотографии од одморот со Тимоти Шаламе на егзотична дестинација

Кајли Џенер и Тимоти Шаламе избегаа од обврските и секојдневието и уживаат на егзотична дестинација , која самата ја опиша како „рај“.

28-годишната ѕвезда позираше во минијатурни бикини надополнето со накит за посекси изглед. Покрај плажата, Џенер беше фотографирана и како се релаксира на јахта и како ја чита книгата „The Guest“ од Ема Клајн. 

На истата локација се појави и нејзиниот партнер, Тимоти Шаламе, кој објави фотографии без маица, позирајќи покрај морето и на истиот скутер на вода кој Кајли го објави на фотографиите.

Иако не е официјално потврдено дека биле заедно на одмор, нивните објави сугерираат дека уживаат во истото егзотично место.

Според извори блиски до парот, Кајли е многу горда на својот партнер и често го фали пред блиските. Таа го поддржува во кариерата, а тој, пак, цени што таа му носи смиреност, особено за време на важни настани.

Парот ја започна врската во 2023 година. Кајли има две деца од врската со Тревис Скот.