Радосна вест: Суперхеројот Јован ја доби битката со болеста и победнички заѕвони на ѕвончето во Детската клиника во Скопје

Уште еден јунак ја напушти Клиниката за детски болести во Скопје.

Храбриот Јован ја доби најтешката битка и победнички ѕвонеше на ѕвончето, додека медицинскиот персонал и останатите пациенти со аплаузи го испратија дома.

Јован носеше маица со суперхерој на која пишуваше: „Hero Jovan“ (Херојот Јован).

Нова радосна вест од Клиника за детски болести.

Победничкото ѕвонче повторно силно звонеше за да слушнат сите дека нашиот суперхерој ЈОВАН храбро ја помина и ја освои тешката битка. На ЈОВАН му посакуваме многу здравје и среќно и безгрижно детство – стои во описот на видеото на Клиниката.