Тејлор Кокс го имаше најуникатниот моден додаток на овогодишното доделувањето на Еми наградите во Лос Анџелес.
Наместо модерна чантичка, американската сценаристка и копродуцентка на „Only Murders in the Building“ на црвениот тепих продефилира со пумпа за измолзување, украсена со многу светкави камчиња, кристали, циркони и бисери.
Иако си замина дома со празни раце и покрај петте Еми номинации, Тејлор ја задржа смислата за хумор и на социјалните мрежи.
„Не победивме, но не добивме маститис!“ – напиша Кокс, која е мајка на 4-месечно девојче.
Во коментарите, Тејлор сподели дека навистина ја користела пумпата за време на настанот.
Гламурозната пумпа за рачно измолзување е дело на артистката Нора Кејси, а Кокс ја искомбинира со романтичен фустан со цветен дезен во нежна розова боја.
„Сакав да изгледам шик, а знаев дека ќе биде долга вечер и дека нема шанси да останам и да уживам ако не се измолзам. Па, најдов решение! И мислам дека сите можеме да се согласиме дека нема ништо пошик, поелегантно или покорисно од рачна пумпа украсена со светкави детали“ – изјави посветената мајка за „What to Expect“.
Тејлор ја донесе на свет ќерката Алис во мај оваа година.
