Даниел Кајмакоски започна летна авантура со двете деца и сопругата.
Македонскиот пејач, кој победи на „X Factor Adria“, моментално е на одмор со саканата Марина, синчето Стефан и ќеркичката Емилија.
Тој сподели неколку фотографии на Instagram, а на фотографијата од синчето напиша: „Детска радост. Првпат море“.
Даниел и Марина стапија во брак во јануари 2023 година. Нивното синче се роди на 30 април истата година, додека ќеркичката Емилија ја добија во ноември минатата година.
Кајмакоски претходно беше во брак со Кристина Димитријевска, од која се раздели во 2020 година. Заедно имаат едно дете.
