Првите свадбени фотографии на Квентин Тарантино кој се ожени со 20 години помладата девојка

Квентин Тарантино заплива во брачните води. 55-годишниот режисер и актер се ожени со својата 35-годишна девојка Даниела Пик на церемонија во Лос Анџелес.

Славниот Оскаровец и израелската пејачка се запознале во 2009 година, додека тој го промовираше својот филм „Inglourious Basterds“. Тие биле кратко време разделени во 2015 година, но набрзо ја обновиле врската.

За церемонијата, невестата носеше елегантна венчаница, а за вечерната забава таа се пресоблече во поудобен минималистички невестински фустан од Dana Harel.

Ова е прв брак и за двајцата младенци. Во 2009 година Тарантино изјави дека досега не бил во брак, бидејќи целосно се посветува на филмовите кога работи. „Кога снимам филм, не одам никаде на друго место. Сè е за филмот. Немам жена. Немам дете. Ништо не може да ми го попречи патот“ – рекол тој.