Љубовната приказна на Меган Маркл и принцот Хари ќе биде раскажана на малите екрани во филмот „Harry & Meghan: The Royal Love Story“.
Деновиве беа објавени првите официјални фотографии од филмскиот проект кој за првпат ќе биде прикажан напролет, по свадбата на Хари и Меган.
Филмот ќе ја следи врската на британскиот принц со поранешната актерка, од моментот кога се запознале преку заедничка пријателка, до нивната свршувачка.
Актерката Париса Фиц-Хенли ќе влезе во улогата на Меган, додека Хари ќе биде глумен од Мареј Фрејзер.
Војвотката Кетрин ќе биде портретирана од Лора Мичел, Бурџес Абернети ќе стане принцот Вилијам, Бони Сопер ќе ја глуми покојната принцеза Дијана, а Меги Саливан ќе се појави во филмот како кралицата Елизабета II.
Стивен Колтер беше избран да го глуми принцот Чарлс, додека неговата сопруга Камила ќе биде одглумена од Дебора Ремзи.
