Љубовната приказна на принцот Хари и Меган Маркл е инспирација за романтичен филм.
„Harry & Meghan: The Royal Love Story“ ќе ја следи врската на британскиот принц со поранешната актерка, од моментот кога се запознале преку заедничка пријателка, до нивната свршувачка.
Актерката Париса Фиц-Хенли ќе влезе во улогата на Меган, додека Хари ќе биде глумен од Мареј Фрејзер.
Меган и Хари се запознаа во јуни 2016 година, а се верија во ноември минатата година. „Се заљубив во Меган неверојатно брзо. Сите ѕвезди беа подредени, сè беше совршено. Оваа прекрасна жена едноставно се сопна и падна во мојот живот, а јас паднав во нејзиниот“ – изјави Хари.
Се очекува американската телевизија „Lifetime“ за првпат да го прикаже филмот напролет, по свадбата на кралскиот пар која е закажана за 19 мај. „Lifetime“ сними и филм за љубовната сторија на принцот Вилијам и војвотката Кетрин.
