Ен Хетавеј го доби третото дете со сопругот Адам Шулман.
Ѕвездата на „Ѓаволот носи Прада“ беше фотографирана на прошетка низ Њујорк со новороденчето во кенгур. Облечена во топла зимска облека, 44-годишната актерка изгледаше расположено додека разговараше и се смееше со пријателка, која во еден момент ја фотографираше со бебето. Фотографиите ги објави TMZ.
Засега не се откриени полот и името на бебето, ниту точниот датум на раѓање.
Ен и нејзиниот сопруг Адам Шулман се родители и на 10-годишниот Џонатан и 6-годишниот Џек.
Холивудската ѕвезда ја изненади јавноста во јуни, кога со забавно видео на Instagram откри дека е бремена по третпат. Во видеото, снимено за време на промотивната турнеја за продолжението на „Ѓаволот носи Прада“, таа се појави во бела облека, а потоа го откри трудничкото стомаче со широка насмевка.
Хетавеј претходно отворено зборуваше за предизвиците на мајчинството и за тоа колку е благодарна што успеала да забремени во четириесеттите години.
„Пресреќни сме, бидејќи од лично искуство знаеме дека не секој ја добива оваа можност, особено не тогаш кога ја посакува. Некои никогаш не ја добиваат“ – изјави таа.
Пред породувањето, Ен раскажа дека со сопругот се обидуваат максимално да уживаат во последните недели како четиричлено семејство, свесни дека доаѓањето на новото бебе ќе донесе големи промени.
„Возбудени сме и пресреќни, но сега навистина се трудиме да уживаме во времето кога сè уште сме четиричлено семејство. Сè ќе се промени за нас, но најмногу за нашите деца“ – сподели таа.
Хетавеј е позната по тоа што внимателно ја чува приватноста и ретко споделува фотографии од децата во јавноста.