Џил Бајден ја сними својата прва фотосесија за „Вог“. 70-годишната прва дама на САД позираше со претседателот Џо во Белата куќа.
Фотосесијата ја потпишува реномираната фотографка Ени Либовиц.
Во интервјуто, парот призна дека посветено работи на бракот и покрај бројните работни обврски. „Вистина е дека и двајцата сме зафатени. И затоа мораме повеќе да се трудиме да издвојуваме време еден за друг. Дури и за заедничка вечера. Сè уште си палиме свеќи, разговараме, ги оставаме телефоните настрана“ – изјавил претседателот Џо за списанието.
Оскар де ла Рента, Ралф Лорен и Мајкл Корс се дел од модните куќи кои ја облекоа Џил за фотосесијата.
„Сакам да се чувствувам комфорно во Белата куќа. Тоа е како моја куќа на плажа, во која можеш да влезеш и да седнеш на столица дури и ако твојот костим за капење е со песок. Сакам луѓето да се чувствуваат удобно, како тоа да е нивна куќа. А не да си мислат: ‘Ох, не смеам да го допрам ова’“ – вели Џил.
Д-р Џил Бајден е професорка по англиски јазик и авторка. Таа е првата Прва дама на САД која за задржа својата работа дури и откако нејзиниот сопруг беше избран за Претседател.
Џил позираше и со петте внуци.
