Првата дама Џил Бајден ги покажа празничните декорации во Белата куќа инспирирани од децата

Џил Бајден откри како ќе изгледа Белата куќа во текот на празничната сезона.

Првата дама на САД ги покажа декорациите кои биле инспирирани од децата и детската радост за време на празниците. Темата е „Магија, чудо и радост“, а повеќе од 300 волонтери учествувале во нејзината реализација.

98 новогодишни елки, 140 илјади сијалички, 350 свеќи и речиси 34 илјади лампиони ја красат резиденцијата на Претседателот на САД, Џо Бајден.

„Празничната тема во Белата куќа во 2023 година е инспирирана од начинот на кој децата гледаат на сезоната на прослави: целосно се присутни во убавината и раскошот околу нив, со вклучени сетила и срца отворени за магијата, чудото и радоста на празниците“ – стои во соопштението на Бајден.