Зголемените температури и топлите сончеви зраци нè охрабруваат полека, полека, да го преуредуваме плакарот и да си подготвуваме пролетни модни комбинации.
Грчката блогерка Анастасија има одлични идеи од кои можете да се инспирирате за таа цел. Модерната мајка, која потекнува од Украина, незапирливо си ја зголемува мрежата од обожаватели на Instagram, благодарение на изостреното чувство за стил.
Таа вели дека уште од мали нозе била вљубена во модата и дека е пресреќна што може да ги изрази своите чувства преку облеката. Според неа, тајната за успешно мајчинство е во добрата организација и поставувањето приоритети.
Анастасија е вљубена во Грција и нејзиниот профил ги прикажува и убавините на Кавала, каде што и живее.
На жените кои сакаат да работат како модни блогерки им порачува дека тоа е макотрпна работа за која треба многу трпеливост и време за да се стигне до резултати.
